„Sony“ го најави новиот паметен телефон под името „Xperia M“. Исто како моделот „Xperia L“ новиот уред ќе биде наменет за помалку пребирливите корисници.
Станува збор за паметен телефон со 4 инчен „FWVGA“ (854 x 480) екран и „dual core“ 1GHz „Snapdragon S4 SoC“ процесор кој е поврзан со 1GB RAM.
„Xperia M“ поседува само 4GB простор за складирање на податоци, но со помош на „microSD“ картичките може да биде зголемен до 64GB.
Задната камера е со 5 мегапиксели која користи и блиц, додека пак предната камера е „VGA“.
Од компанијата најавија дека покрај моделот „ Xperia M“ на корисниците ќе им понудат и верзијата „Xperia M dual SIM“.
„Xperia M“ и „Xperia M dual SIM“ ќе бидат достапни во црна, бела и виолетова боја, додека моделот со една „SIM“ картичка ќе биде достапен и во жолта боја.
Уредите ќе користат батерија од 1.750mAh, а на пазарот би требало да се појават во третиот квартал од 2013-та година.
