Плановите на Кина да ги одредат трговските патишта на иднината по линиите на Марко Поло, се се друго, само не нови. Со години зборуваме за „Новиот пат на свилата“. Но, дури сега Европа е сега свесна како за перспективите, така и за заканите.
Во една заедничка позиција со која располага германскиот бизнис весник „Handelsblatt“, 27 амбасадори на ЕУ во Пекинг (без оној на Унгарија) предупредуваат дека иницијативата на Кина се противи на „програмата на ЕУ за либерализација на трговијата“. Во исто време, се префрли „дел од силите во корист на субвенционираните кинески претпријатија“.
Необично остар пишан документ е дел од подготовките за претстојниот Самит ЕУ-Кина во јули. Европската комисија во моментов работи на стратешки документ за да ги убеди земјите-членки да постигнат заеднички одговор на престижниот проект на Кина.
Целта на Шефот на државата Си Џинпин е за подобро да ја поврзе земјата со нејзините трговски партнери по должината на старите трговски патишта. Вкупно 900 милијарди долари ќе бидат инвестирани за изградба на цевководи, електрични централи, патишта, железници, пристаништа и аеродроми. Со својот проект тој сака да ја повтори величината на Кина за време на Марко Поло.
Во прилог на долгорочниот развој на новите трговски патишта, „Новиот пат на свилата“, исто така, има краткорочна корист за Кина. Бидејќи градежниот бум во империјата постепено се намалува, прекумерна продуктивност на кинеските производители на челик, цемент и алуминиум првично ќе бидат употребени од проекти во странство.
„Ние не треба да одбиваме да соработуваме, туку учтиво и категорично да ги формулираме нашите услови“, вели постар дипломат од ЕУ пред „Handelsblatt“. Ова вклучува уверување дека кинеските компании нема да бидат најпосакувани при јавните набавки.
Германското Министерство за економија изјави за медиумите дека иницијативата „Новиот пат на свилата“ треба да ги земе предвид интересите на сите учесници.
