Нов Зеланд ја изненади енергетската индустрија со забраната за бушење за пронаоѓање на нафта и гас во близина на брегот.
Причина за таквата одлука е обидот за намалување на климатските промени, пренесуваат медиумите.
Премиерката на Нов Зеланд, Јакинда Ардерн, неодамна изјави дека владата повеќе нема да издава дозволи за експлоатација на нафта и гас. Во своето обраќање се изјасни дека оваа одлука претставува уште еден чекор на преминување од транзиција кон економија без загадување.
Камерон Мадгвик, директор на здружението за истражување и производство на нафта во Нов Зеланд рече дека оваа одлука е неповолна за економијата и животната средина во Нов Зеланд.
„Ова исто така, најверојатно ќе ги загрози работните места и ќе резултира со повисоки цени. Додека нафтата се произведува со цел задоволување на зголемената глобална побарувачка, ќе се отежни производството во Нов Зеланд, а тоа значи дека ќе се зголеми побарувачката на други места, а ние ќе ја увезуваме нафтата по повисока цена“.
Тој додава дека одредени компани веќе инвестираат голема сума на пари очекувајќи зголемена потрага по нафта и гас, а сега на удар ќе бидат работните места.
Според извештаите од здружението, имено, индустријата за нафта и гас вработуваат преку 11.000 луѓе во „најпрометните периоди“.
