НЛБ Групацијата за 2017 година оствари добивка во износ од 225,1 милиони евра, што е двојно повисока од 2016 година, кога профитот на Групацијата изнесуваше 110 милиони евра. За добрите резултати на НЛБ Групацијата придонесоа сите банки-членки, вклучувајки ја и НЛБ Банка Скопје, која оствари профит во износ од 35 милиони евра во 2017 година.
“Надзорниот одбор е задоволен од резултатите кои се најдобри во историјата на НЛБ Групацијата. Сакаме да им честитаме на менаџментот и на сите вработени, нивните напори и посветеност. Задоволни сме од напредокот во дигитализацијата, рационализацијата и модернизацијата на процесите и услугите, што потврдува дека целата НЛБ Група го прифати технолошкиот развој и дигитализација како нова можност за иден раст. И банката и целата група одиграа важна улога во генерирањето на иновативни, напредни и едноставни решенија за клиентите на нивните локални пазари. Подобро корисничко искуство и постојана достапност од една страна и силна советодавна улога од друга страна покажуваат дека фокусот е на клиентите, нивните потреби и задоволство. Во прилог на стабилен, одржлив и профитабилен бизнис, ова е добра основа за успешно работење на НЛБ Групацијата во иднина “, рече Примож Карпе, претседател на Надзорниот одбор на НЛБ Банка во Љубљана.