На 14 април, САД, Франција и Велика Британија лансираа 105 проектили против три цели поврзани со програмата на Сирија за хемиско оружје, во најголемата интервенција на Западот против режимот на Башар ал Асад од почетокот на војната во 2011 година. Целта на мисијата беше да го онеспособи режимот да изврши напади, како оној во Дума за кој се сомнева дека е користено хемиско оружје, при што загинаа најмалку 43 лица.
САД соопштија дека 76 од своите ракети удрија во Центарот за истражување и развој во Барза, пред Дамаск, објект што американскиот потполковник Кенет Ф. Мекензи го нарекуваше “срцето на сириската програма за хемиско оружје”. Според една западна разузнавачка агенција, објектот се специјализирал за поставување на хемиско оружје во проектили и артилерии со голем дострел.
Седум француски проектили го погодија бункерот Хим Шишар околу 15 милји западно од Хомс во централна Сирија. Многу помалку се знае за оваа и уште една цел во Хомс, но американската војска соопшти дека бункерот содржел склад за хемиско оружје и командно работно место, што француските проектили “успешно го погодија и претрпеле штета”.
Британските, француските и американските проектили, исто така, погодија место за складирање во близина на бункерот во Хомс, кој заедно со бункерот и истражувачкиот центар, претставуваа основни компоненти на хемиската инфраструктура на режимот”, рече генералот Мекензи. Објектот за складирање беше целосно уништен, според американската војска. Сирискиот режим не ја потврди штетата направена на локациите во Хомс.
