Сакате да напредувате брзо? Ваков колега ви е потребен!

Експертите велат дека најуспешните лидери се оние кои активно барат фидбек, односно повратна информација и совет од луѓето со кои работат…

Според Сузан Бејтс која е директорка на компанијата “Bates Communications” и автор на книгата “All the Leader You Can Be” успешните лидери често имаат ментори, или колеги со кои често разменуваат впечатоци и совети.

Бејтс вели дека повратната информација за работата е клучниот чекор кон деловниот развој, кој го дефинира како: „квалитети на лидерот кој се вклучува, инспирира и ги инспирира луѓето да прават одредени дела“.

Бејтс во интервјуто за Бизнис Инсајдер вели дека „луѓето кои имаат колеги-ментори напредуваат побрзо на работа“ од луѓето кои се обидуваат сами.

Колегата-ментор е некој кој е отприлика на иста положба како и вие и е особено драгоцен бидејќи ви помага „да мислите за себе како за некој кој може нешто да овозможи“, вели Бејтс. Не само што менторот ви говори за вашите слабости и предности, туку и вие и давате совети на таа личност.

„Најдобри менторски односи се оние кои негуваат двонасочност, взаемност“. Тоа е двосмерен однос кој со самото тоа е пореален и повреден“, вели Бејтс и додава дека е подобро ако вашиот колега-ментор е во друг дел од организацијата или работи работа поинаква од вашата.

Според истражувањата, младите луѓе се обично и подобри менаџери, делумно поради тоа што се отворени за впечатоци, повратни информации и секогаш се трудат да се подобрат.

Симон Синек, кој е автор на неколку бестселери вели дека најуспешните лидери имаат „ортак“ или некој кој исто така тежнее кон раководечките позиции. Другарите или ортаците често разменуваат знаење и совети.

Можеби е малку засташувачки да слушнете нечии впечатоци или критики за вашата работа, но тоа е клучно за напредувањето. Исто така, барањето на повратна информација потсетува дека раководството не е искуство на една личност туку процес кој бара постојани насоки и впечатоци од другите.