Авто-мото сојузот на Македонија соопшти дека од утре ќе се изведуваат работни активности, односно осветлување на клучка Катланово, патен правец Велес – Катланово и ќе траат до сабота.
Во редовниот извештај за состојбата на патиштата, АМСМ информира дека сообраќајот на државните патишта се одвива по суви коловози, а патниот правец А3 Прилеп – Битола – Ресен преку обиколница Битола е нормализиран за сообраќај. На делот на свлечиштето ќе се изведуват градежни работи за таа цел ќе биде затворена едната лента во должина од 200 метри поради тоа сообраќајот ќе се одвива по една сообраќајна лента за што е поставена содветна светлосна сигнализација (семафори) која ќе го регулира сообраќајот.
Поради изведување градежни работи (асфалтирање) на регионалниот пат Р – 2336, с.Теово – с. Богомила, од 10.4.2018 во наредните 30 дена сообраќајот ќе биде во прекин секој ден во период од 10:00 до 14:00 часот.
АМСМ препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е појава на одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.
