Бројот на британци кои добиле државјанство од други држави кои се наоѓаат во Европската Унија од година во година се повеќе се зголемува.
Германија е меѓу најомилените дестинации на британците, а според „Eurostat“ во 2016-та година оваа земја доделени 2.700 државјанства.
Друга омилена земја на британците е Шведска чие државјанство го добиле 978 лица.
„Eurostat” нема податоци за бројот на доделени државјанства од другите држави пред и по јуни 2016-та година.
Бројот на британции кои станале државјани на некои од земјите на ЕУ бележи континуиран раст. Бројот во 2016-та година е значително зголемен за разлика од оној во 2007-та година.
Податоците што ги објави ,,BBC” минатата година покажаа дека 10.000 британци се пријавиле за државјанство во некои од земјите кои се членки на европската унија, и тоа веднаш по референдумот за напуштање на европската унија. Имено, британците на референдумот на 23-ти јуни 2016-та година гласаа за напуштање на европската унија, но оваа одлука стапува на сила во март 2019-та година. Слободното движење во европската унија ќе важи до 31-ви декември 2020-та година.
Европската комисија наведе дека во 2016-та година, 995,000 граѓани добиле државјанство во европската унија, многу повеќе во однос на 2015-та година, во која државјанство добиле 841,000 лица.
Најчесто, новите државјани во европската унија доаѓаат од Мароко и Албанија.