Хрватите не сакаат да работат до 67 години, политичарите сакаат да ги укинат повластените пензии и не штедат за ,,старите денови“, покажува истражувањето на хрватскиот дневник ,,Nova TV”.
75% од испитаниците сметаат дека владата не ќе може да ја спроведе пензиската реформа. А дека истата ќе се спроведе тврдат 20% од испитаниците, а 5% од нив не го знаат одговорот на ова прашање.
Доколку оваа реформа се спроведе, за поголемиот број од граѓаните тоа не значи и дека ќе се подобрат животните стандарди. 63% се песимисти, а 30% се оптимисти додека 7% од испитаниците не знаат што би било.
За поголемиот број на граѓани идејата да се работи до 67 години е неприфатлива. Така зголемувањето на старосната граница е неприфатлива за 88% од испитаниците.
Интересно е тоа што, повеќето кои се против оваа реформа се жени и млади луѓе до 30 тата година.
Хрватската влада подготвува реформа според која мажите и жените од 2033 -та година ќе одат во пензија на возраст од 67 години.
