Услугата за стриминг на музика на „SoundCloud“ ги надмина проекциите за финансиски раст и бројот на нови корисници. Тоа се случува помалку од една година откако спасувачките 170 милиони долари дозволија да избегне колапс.
Кери Трејнер, поранешниот извршен директор на „Vimeo“, кој склучи договорот за подигање на капитал со „Raine Group“ и „Temasek“ во август, рече дека во 2017-та година „SoundCloud“ има генерирано приходи од продажба, кои ја надмина годишната цел за 100 милиони долари.
Клучот е дека по неколкугодишниот бавен раст на бројот на нови корисници во последните три квартали, тој се забрза. Иако компанијата продолжува да генерира загуба и нејзината долгорочна иднина е неизвесна, овој раст ќе ја охрабри музичката индустрија, со оглед на големината на кризата, со кој групата се соочи минатото лето.
Откако се очекуваше пред неколку месеци да остане без пари, а компанијата скрати 40% од вработените, основачите на „SoundCloud“ беа изведени пред избор: да ја продадат фирмата или да се потпора капитал и да се најде подобар бизнис модел за услугата, за да можат да се натпреваруваат на пазарот во кој доминираат џинови како „Spotify“ и „Apple“.
Трејнер успеа да го убеди менаџментот и инвеститорите дека заслужува да ја преземе улогата на извршен директор од коосновачот Алекс Лонг. Седум месеци подоцна тој рече дека „SoundCloud“ е надминала прогнозата за раст на приходите и бројот на нови корисници во последните неколку месеци, истакнувајќи дека компанијата „никогаш не била подобра финансиски“.
Откако беше принудена да изгради сопствен производ за претплата, Трејнер рече дека „SoundCloud“ повеќе нема да се обиде да ја копира „Spotify“. Наместо тоа, компанијата сака да се фокусира на своите оригинални производители на музика. „SoundCloud“ продава алатки за изведувачи и креатори на подкасти, а податоците за навиките на слушателите или дополнително складирање на дела, а овие услуги чинат меѓу 70 и 100 долари годишно.
Придобивките од „SoundCloud“ се два. Овие изведувачи плаќаат за услугите, додека ги објавуваат своите дела, што ги привлекува корисниците на платформата. Трејнер посочи дека „SoundCloud“ има 177 милиони дела, додека „Spotify“ има едвај 40 милиони. Според него неговата услуга нуди многу повеќе од која било друга стриминг платформа во светот. Оваа дополнителна содржина е надежта на „SoundCloud“ да се разликува од купот на стриминг услуги на пазарот.
