Кинеските власти издадоа нова директива која ќе го отежне преносот на интелектуалната сопственост на странски компании, објави владата.
Поединци и компании во Кина најпрвин ќе треба да добијат одобрение од кинеските власти пред секој пренос на права на интелектуална сопственост, вклучувајќи го и софтверот, наведе Владата.
“Спроведувањето на оваа директива е важно за заштита на националната безбедност”, оцени Службата за интелектуална сопственост, пренесува кинескиот дневен весник China Daily, додавајќи дека слични мерки постојат во ЕУ и Јапонија.
Од друга страна, американскиот претседател Доналд Трамп минатата недела ги спомена мерките против Кина, со цел да се запре, како што рече, кинеската “кражба на интелектуална сопственост”.
