Грчката агенција за приватизација „HRADF“ очекува подобрување на понудите во постапката за приватизација на 66% од мрежниот оператор за гас „Desfa“, станува јасно од пораката на страницата на Агенцијата.
Двајца се понудувачите – конзорциумот меѓу „Snam“, „Enagás Internacional“ и „Fluxys“, како и обединувањето во кое учествуваат „Regasificadora del Noroeste“, „Reganosa Asset Investments“, „Transgaz“ и Европската банка за обнова и развој (ЕБОР).
Пред неколку дена грчкиот министер за енергија, Јоргос Статакис коментираше дека ако има разлика од повеќе од 15% во понудите, „Desfa“ ќе биде продадена на учесникот кој нуди повисока цена. При помала разлика сепак ќе се пристапи кон преговори и барање за подобрување на понудите.
Во тендерот за продажба на „Desfa“ се предложени вкупно 66% од капиталот на друштвото за гас. Станува збор за партициите „Hellenic Petroleum“ (35%) и делот на фондот за приватизација од 31% од капиталот на компанијата.
Приватизацијата на „Desfa“ е дел од барањата на доверителите за намалување на државниот удел во енергетиката. Пред неколку дена „Катимерини“ коментираше, повикувајќи се на свои извори дека Грција ги одолговлекува клучните реформи, меѓу кои и во однос на приватизацијата, што може да влијае на последниот преглед на спасувачката програма.
Атина не успеа да ја продаде „Desfa“ во 2013-та година. Тогаш азербејџанската „Socar“ предлагаше 400 милиони евра за 66% од капиталот на друштвото, но не се согласи со барањето од Брисел да го подели овој дел.
