Половина од невработените млади луѓе во ЕУ на возраст меѓу 24 и 34 години се подготвени да се преселат во потрага по работа, покажува последното истражување на „Еуростат“.
Во 2016-та година, 21% биле подготвени да одат во друг град во земјата во која живеат, а 12% биле заминале во друга земја, но во рамките на ЕУ. 17% од европските млади луѓе се исто така подготвени за барање работа и преселба во трети земји.
Статистичките податоци покажуваат дека образованието игра важна улога во овие ставови – пообразованите се со поголема веројатност да се преселат на друго место, доколку има потреба за нив.
Сепак тоа не е често вистински избор – 90% од младите во оваа возрасна група, кои имаат работа, не се трудови мигранти. Само 1% од нив се преселија во друга земја на ЕУ за да најдат работа, а 8% живеат во друг град во својата земја.
Објавените податоци покажуваат дека 73% од младите луѓе во Малта не сакаат да го сменат местото каде што живеат, за да најдат работа. Истото важи и за 68% од младите луѓе во Кипар.
Сепак, во спротивна насока се Португалија и Шпанија, земји со многу висок процент на невработеност на младите. Под 40% од Шпанците не се подготвени да се преселат, а во Португалија, овој процент е дури и помал од 30 посто.
