Европскиот финансиски фонд одобри исплата на 6,7 милијарди евра за Грција во рамки на третиот пакет финансиска помош. Исплатата на првата транша од 5,7 милијарди евра се очекува оваа недела.
Европскиот стабилизационен механизам (ЕСМ) соопшти дека исплатата е одобрена откако грчката Влада спроведе серија од реформите кои беа побарани од неа. Парите ќе бидат потрошени за сервисирање на долгот на Грција и за исплата на одредени внатрешни обврски.
ЕСМ наведува дека првите 5,7 милијарди евра ќе бидат исплатени утре, а преостанатите милијарда на 1 мај.
