За прв пат по една деценија, Франција падна под максимумот на Европската унија за буџетски дефицит од 3 отсто.
За целата претходна година јавниот дефицит на земјата се намали до 59,3 милијарди евра, а односот на буџетската дупка кон економското производство изнесува 2,6% – значително под очекувањата на Владата од 2,9%, станува јасно од податоците од националниот завод за статистика на „Insee“, цитирани од „Ројтерс“.
Државните расходи во 2017-та година се намалија до 56,5% од БДП-то наспроти 56,6% пред една година, додека приходите се зголемиле до 53,9% од бруто домашниот производ во однос на 53,2% во 2016-та година.
Истовремено стана јасно дека растот на француската економија очекувано се забрзува во последниот квартал од минатата година благодарение на посилниот извоз и бизнис инвестициите при извесно одложување на потрошувачките трошоци, покажува конечната неревизирана оценка од националниот завод за статистика на „Insee“.
Бруто домашниот производ на втората по сила економија во еврозоната се зголеми во периодот октомври-декември 2017-та година за 0,6% во однос на третиот квартал, кога се зголеми за 0,5%, и на тој начин ги потврди прелиминарните податоци на „Insee“. На годишна основа растот на БДП-то на Франција се забрзува во четвртиот квартал на 2017-та година до 2,4% од 2,3% во трите месеци до крајот на септември, како здравиот раст од 2011-та година.
Во текот на 2017-та година, економијата на Франција доживеала најсилна експанзија во последните шест години. За 2017-та година, француската економија се зголеми за 2,0% по анемичниот раст од 1,1% во претходната година.
Сето ова е добра вест за претседателот Емануел Макрон, кој по неговиот избор во мај ги направи регулативите на ЕУ клучен елемент во неговата политика.
