Времето денеска ќе биде променливо облачно со сончеви периоди и слаб локален снег во западните делови кој кон југ ќе преминува во дожд, информираат од управата за хидрометеоролошки работи.
Оттаму додаваат дека кон крајот на денот во југоисточните делови ќе има услови за појава на локален дожд, а ќе дува слаб до умерен северен ветер. Минаималната температура ќе се движи во интервалот -4 до 1, а максималната од 2 до 7 Целзиусови степени.
Во Скопје ќе преовладува променливо облачно време со услови за слаб снег на повисоките, а дожд на пониските места. Ќе дува слаб до умерен северен ветер. Температурата ќе се движи од -2 до 4 степени.
Во недела преку денот и особено попладне ќе започнат врнежи од дожд и ќе дува умерен до засилен југоисточен ветер со што ќе започне неколкудневен врнежлив период и постепен пораст на дневните температури. Утринските температури ќе се претежно во интервал од -3 до 3 степени, иако до вторник и тие благо ќе се покачат.
