Европската Унија утрово го повлече својот амбасадор во Москва и нареди да се врати во Брисел, поради аферата „Скрипал“. Русија не е загрижена поради оваа постапка. Сметаат дека се подготвени на се, а тврдат и дека имаат и свој банкарски систем.
Во случај на исклучување на Русија од системот, како дел од санкциите на Западот, глобалниот нафтен гигант Роснефт е подготвен да го стопира меѓународниот трансфер на готовина.
„Новиот, самостоен систем е тестиран во Септември“, потврдува потпретседателот на „Гаспромбанк“, Андреј Королиов.
Овој систем би требало да биде еквивалентен на ,,SWIFT“, a приказната за потенцијалната забрана се појави во 2014-та година кога ЕУ и САД го претставија првиот круг на меѓународни санкции против Москва, поради наводното учество во Украинските кризи и обединувањето на Крим.
„Ова е секако непријатно нешто, затоа што ова претставува камен на кој ќе се сопнуваат компаниите и банките и ќе го успорува функционирањето на бизнисот. Ќе биде неизбежно активирањето на постарите технологии за пренос на пари, информации и калкулации.
„Меѓутоа, компаниите се подготвени на нов систем бидеќи, заканите за исфрлање од „SWIFT“ програмата не се баш свежи“, изјави рускиот потпретседател Дворкович.
Русија е подготвена на се, а за тоа повеќе и од доволно докажуваат податоците дека оваа држава има свои интернет пребарувачи, социјални мрежи, така да тие не зависат од глобалниот Интернет.