Снежниот бран што ја зафати Македонија ги затекна овошките во фаза на полно цветање каде нивната издржливост кон ниски минимални температури е околу -2 до -3 степени.
Бидејќи остварените температури беа во тие граници, не се очекуваат значителни оштетувања на родот, велат од Министерството за земјоделство, шумарство и водостопанство.
Од таму велат дека најниски температури се очекуваат в недела кога во утринските часови температурата ќе се спушти до -4 степени. „Бидејќи овие температури се блиску до границите на издржливот, може да предизвикаат само проретчување на родот, но не и негово оштетување“, се наведува во соопштението.
Според податоците од подрачните единици на МЗШВ, досега земјоделците немаат пријавено штети од ниските температури и врнежите од снег.