Германија: Задоволни сме од одлуката на САД да ги исклучи од давачки земјите од ЕУ

Германскиот министер за економија, Петер Алтмајер, ја поздрави одлуката на претседателот на САД, Доналд Трамп привремено да ги исклучи земјите членки на ЕУ од зголемените увозни давачки за челик и алуминиум и повика на поголема трговска соработка, пренесе „Ројтерс“.

Тој порача дека треба да се прават разумни договори и да има поголема соработка со цел, како што рече, архитектурата на светската трговија да стане постабилна.