Стотици илјади луѓе излегоа на улиците во Франција поради најавените реформи кои би требало да доведат до укинување на 120.000 работни места во јавните служби.
Поради протестите училиштата беа затворени, а сообраќајот во хаос.
Според наводите на полицијата, на протестите се собрале 200.000 луѓе ширум земјата, додека синдикатите што ги организираа демонстрациите наведоа дека на улиците излегле повеќе од 500.000 лица, а само во Париз се собрале 47.000 граѓани.
Инциденти помеѓу демонстрантите и полицијата којашто фрлаше солзавец се регистрирани во Париз, Нант и Рен. Француските медиуми пренесоа дека протестите и штрајкот на железничарите и вработените во јавните служби претставуваат тест за претседателот Емануел Макрон, кој е на власт од мај минатата година.
