Американскиот претседател денеска треба да објави санкции против Кина откако неговата администрација утврдила дека Пекинг поттикнувал кражба и трансфер на интелектуална сопственост од американските бизниси, објави Би-би-си.
Белата куќа соопшти дека потегот следи по неколкугодишни разговори за прашањето, кое не успеало да произведе промени, а се очекува дека да бидат вклучени тарифи, како и други мерки. Плановите за санкции предизвикаа страв од поширока трговска војна.
Белата куќа, како што пренесуваат американските медиуми, размислува да воведе тарифи од 30 до 60 милијарди долари, како и мерки што ќе ги ограничат инвестициите. Трговски претставници велат дека САД, исто така, би можеле да поднесат и жалби до Светската трговска организација.
Американскиот главен трговски преговарач, Роберт Лајтизер, нагласи дека САД сакаат да постигнат максимален притисок врз Кина и минимален притисок врз американските потрошувачи. Тој порача дека заштитата на интелектуалната сопственост е од клучно значење за економијата на САД.
