Кинескиот конгломерат „HNA Group“ планира да продаде имот, вклучувајќи згради и хотели во Кина, бидејќи му претставува потешкотија да ги плаќа своите долгови, објавија запознаени извори, цитирани од „Bloomberg“.
Меѓу зградите се „Shanghai HNA Tower“, „Shanghai Yangtze International Enterprise Plaza“ и „Renaissance Shanghai Pudong Hotel“, дополнуваат изворите кои посакале да останат анонимни. Деветте имоти што „HNA“ ги објави за продажба во Шангај и Пекинг, имаат заедничка сметководствена вредност од околу 14 милијарди јуани (2,2 милијарди долари), открива еден од изворите.
Зградите ќе бидат додадени во листата за продажба на „HNA“ во вредност од околу 13 милијарди долари во последниве месеци. Ова се случи откако некогаш непознатата авиокомпанија натрупа долгови поради неселективно стекнување на средства – од згради во Менхетн до удел во „Deutsche Bank AG“ во последните години. Се тврди дека компанијата ќе продаде средства во вредност од 100 милијарди јуани во првата половина од годината за да го олесни финансискиот притисок.
Надвор од Кина, компанијата има имот од милијарди долари во Њујорк, Сиднеј, Хонг Конг и Лондон. Надворешноте недвижностите „HNA“ ги продаде или планира да продаде акции во „Hotels & Resorts Inc.“, „Hilton Grand Vacations Inc.“, „NH Hotel Group SA“ и „Red Lion Hotels Corp.“. Исто така, планира иницијална јавна понуда за „Gategroup Holdings AG“ и „Swissport International AG“.
„HNA“ не е единствениот кинески конгломерат што ја ограничи инвестицијата, откако владата започна внимателно да ги следи некои од најголемите аквизиции во минатата година.
„Anbang Insurance Group“ беше купена од страна на владата во минатиот месец и е во процес на продажба на средства. Милијардерот Ванг Џиенлин, чија компанија го контролира „AMC Entertainment Holdings“ и пред извесно време беше најбогатиот човек во Кина, се откажа од амбициите да создаде забавна империја, која ќе конкурира на „Walt Disney“.
