Еврозоната објави вишок од 3,3 милијарди евра во јануари, во споредба со дефицитот од 1,4 милијарди евра во претходната година, објави „tradingeconomics.com“, цитирајќи ги податоците од „Еуростат“. За споредба, консензусот на аналитичарите беше вишок од 22,6 милијарди евра.
Извозот на еврозоната изнесуваше 178,6 милијарди евра во јануари, што е за 9,1 отсто за период од една година. Увозот на стоки од остатокот од светот порасна за 6,3 отсто од јануари 2017-та година на 175,4 милијарди евра. Во јануари 2018-та година, трговијата во земјите од еврозоната достигна 159,8 милијарди евра, што претставува пораст од 8,8% во споредба со претходната година.
Во изминатата година, извозот на стоки во остатокот од светот порасна за 7,1 отсто на 2.194 илјади милијарди евра додека извозот се зголеми за 9,8% на 1,958 илјади милијарди евра. Како резултат на тоа, еврозоната регистрираше суфицит од 236 милијарди евра во 2017-та година, што е близу до 30 милијарди евра помалку отколку во 2016-та година. Трговијата во евро-зоната се зголеми на 1.844 илјади милијарди евра во 2017-та година, што е за 7,6% повеќе отколку во 2016-та година.
Првото читање на податоците на „Еуростат“ покажува дека извозот на 28-те земји-членки на ЕУ во јануари се зголеми за 6,5% годишно на 150,5 милијарди евра. Увозот од остатокот на светот изнесуваше 170,8 милијарди евра, што е за 7,6% во однос на јануари 2017-та година. Така, ЕУ пријави дефицит од 20,3 милијарди евра во размената на стоки со остатокот од светот за јануари. За споредба, една година порано дефицитот изнесуваше 17,4 милијарди евра. Внатрешната трговија во ЕУ се зголеми на 288,2 милијарди евра во јануари 2018-та година, забележувајќи раст од 9 отсто на годишна основа.
Во текот на 2017 година, извозот на стоки од ЕУ достигна 1.878 илјади милијарди евра што претставува зголемување од 7,7% во однос на 2016-та година. Истовремено, увозот се зголеми за 8,4% на 1.855 илјади милијарди евра. Како резултат на тоа, земјите на Европската унија забележаа вкупен суфицит од 22,9 милијарди евра во споредба со суфицитот од 32,1 милијарда евра во 2016-та година, што покажува суфицит од речиси 10 милијарди евра помалку. Трговијата во ЕУ се зголеми за 7,4% на 3,34 илјади милијарди евра во 2017-та година.
Главните трговски партнери на ЕУ се САД, Кина, Швајцарија, Русија, Турција, Јапонија, Норвешка, Јужна Кореја, Индија и Канада. Увозот од Турција расте најмногу – 16%, додека Швајцарија се намалува за повеќе од 10%.
