Британската компанија одби да ги коментира овие информации, иако името „Verakai“ совршено се вклопува со актуелната номенклатура на буквата „V“ покрај имињата „Vantage“, „Vanquish“ и „Valkyrie“.
Името „Verakai“ потекнува од нордискиот дијалект и значи „било каде“ па идеално ги отсликува теренските можности на „DBX“ моделот кој ќе биде првиот „SUV“ модел во 105 годишната долга историја на „Aston Martin“.
„Aston Martina Verakai“ ќе се произведува во новата фабрика во Сент Атан во Велс. Прототипот би требало да слезе од производната лента кон крајот на 2018-та, a испораката на првите комерцијални модели се очекува во следните 12 месеци.
„Verakai“ ќе биде ривал на „Bentley Bentaygа“, „Porsche Cayenne“, „Lamborghini Urus“ и „Maserati Levante“.
Се уште не се познати техничките спецификации на моделот кој за почеток ќе има V8 4.0-литарски битурбо агрегат на „Mercedes“, како и 5.2-литарскиот V12 на „Aston Martin“.
Во рок од две години би требало повеќето модели на „Aston Martin“ да добијат моќни електромотори, а „EV“ моделите најверојатно ќе се продаваат под името „Lagonda“.
Што се однесува до цената, се шпекулира дека ќе биде поскап од „Tesla Model X“, и малку под „Bentaygа“, значи околу 225.000 долари.
