Управниот директор на Меѓународниот монетарен фонд (ММФ) Кристин Лагард изрази оптимизам за кинеската економија и увери дека нема причини за загриженост поради очекувањата на Пекинг за забавување на растот до 6,5 отсто во 2018-та година во однос на 6,9 отсто во 2017-та година.
„Економскиот раст на Кина беше многу силен во текот на многу години, има навистина неверојатни достигнувања, оттргнувајќи од сиромаштија стотици милиони луѓе за две децении“, истакна Лагард на конференција во Буенос Аирес.
„Ова доведе до развој, кој беше сосема неочекуван неколку години порано“, рече таа. „Се пресели од целосно затворена економија во целосно отворена економија“, додаде шефот на ММФ.
Според нејзе „по дипломатскиот развој и масовната трансформација … многу контролирани од кинеските власти, сега е добро економијата да порасне за 6,5 проценти“.
Кинескиот премиер Ли објави на 5-ти март дека Кина ја потврди својата цел за економски раст од околу 6,5 отсто во 2018-та година, како што беше целта за 2017-та година, но со намера да постигне повеќе, ако е можно. Минатата година, растот се забрза на 6,9 проценти.
Растот од 6,5 отсто ќе биде најслаб во Кина од пред 28 години.
Лагард истакна дека сега Кина се фокусира на внатрешниот пазар кој не е толку зависен од извозот и повеќе од потрошувачката, отколку од развојот.
„Тоа не е економија која го забавува темпо“, истакна таа, потсетувајќи дека тоа е „втората по големина економија во светот“.
