Европската комисија (ЕК) утре отвора Центар за знаење во Стразбур за измама и квалитетот на храната. Новата единица ќе биде раководена од Заедничкиот истражувачки центар (внатрешната научна служба на Комисијата – „PNR“) и ќе биде целосно финансирана од ЕК.
Центарот ќе биде мрежа на експерти од Комисијата и надворешни експерти.
Во соопштението на Комисијата се вели дека сомневањата за измама и квалитет на храна ја поткопуваат довербата на потрошувачите и му наштетуваат на целиот синџир.
Неодамнешните случаи на измама со храна ги вклучуваат маслиновото масло, виното, медот, рибата, млечните производи, месото и живината.
Покрај тоа, корисниците може да се изложени на неправедни трговски практики, особено во врска со прехранбените производи со значителни разлики во составот, кои сепак се нудат на различни пазари со слична амбалажа.
Новоформираниот центар ќе треба да развие заедничка методологија за тестирање на храната.
Тој е петти од серијата центри за знаење во областа на био-економијата, територијалните политики, миграцијата и демографијата и управувањето со ризиците од катастрофи.
