Кои се градовите во светот каде приходите во домаќинството изнесуваат над 250.000 долари годишно?
Одговорот на ова прашање е даден во новиот извештај на „Knight Frank“.
Според последните податоци вкупно 1.167 милиони домаќинства во Њујорк и соодветно 637.000 и 400.000 во Лос Анџелес и Чикаго имале приход од над четвртина милион долари.
Во топ 10 се уште шест американски градови – Сан Франциско, Вашингтон, Хјустон, Далас, Бостон и Филаделфија.
Десеттата позиција е за Лондон, каде што има 272.000 домаќинства со високи примања.
Кои се идните градови кои ќе им обезбедат високи примања на своите жители?
На врвот во рангирањето се главните градови на Индонезија и Египет, соодветно Џакарта и Каиро, каде во следните пет години се прогнозираат нови 223.000 и 152.000 домаќинства со приход од над 250.000 долари.
Њујорк ќе продолжи да го зголемува бројот на богатите семејства со извонредна стапка, додавајќи 148.000 до 2022-ра година.
Нови над 80.000 домаќинства со приход од над ¼ милион долари ќе има уште во Лос Анџелес, Делхи, Москва и Абу Даби.
Во топ 10 се Мумбаи, Хјустон и Далас.
