Германската модна куќа „Hugo Boss“ очекува растот на продажбата да забрза во 2018-та година благодарение на наметнатите промени со кои се насочува повеќе кон поспортскиот и секојдневниот стил. Во исто време компанијата останува попретпазлива во однос на профитот, додека ги зголемува инвестициите за освежување на продавниците и својата интернет страна, пренесува „Ројтерс“.
По серија од предупредувања за профитот новиот извршен директор Марк Лангер се обидува да го врати „Hugo Boss“ кон неговите корени, продавајќи премиум мода за мажи, додека во исто време се оддалечува од луксузниот сегмент и женската мода.
Под управувањето на Лангер производителот на машки костуми затвора продавници кои се во загуба, ги обновува останатите и ги намалува цените во Кина.
„Сакаме да го засилиме темпото на раст“, рече Лангер во четвртокот, ден откако договорот му беше продолжен за уште три години до декември 2021-та година, „Новите колекции „Boss“ и „Hugo“ се примени многу добро“.
„Hugo Boss“, која веќе забележа 5 проценти раст на валутно корективната продажба за четвртиот квартал, изјави дека нето добивката за периодот се намалил за 29% до 45 милиони евра, што е под очекувањата на аналитичарите за 59 милиони евра.
„Boss“ прогнозира продажбата и нето добивката да нараснат до 6% во 2018-та година, а во меѓувреме компанијата ќе ги зголеми капиталните трошоци до „LONCOD“ се движи од 170 до 190 милиони евра во споредба со 128 милиони евра во 2017-та година.
Аналитичарите очекуваат просечен раст на продажбата од 2% во 2018-та година, но и зголемување од 12% во нето добивката.
Акциите на „Hugo Boss“, кои се зголемија за 9% во минатата година, се тргуваа со 4% намалување во претходна трговија.
Растот на продажбата ќе биде воден најмногу од кинескиот пазар, следен од Европа, додека американските пазари ќе заостанат, иако продолжуваат да растат, изјави компанијата, додавајќи дека бизнисот на големо ќе се врати кон раст во 2018-та година.
Индустријата на луксузни стоки, вклучувајќи го пазарниот лидер „LVMH“ и сопственикот на „Gucci“, „Kering“ искористи од обновата на побарувачката од страна на кинеските потрошувачи.
