Компанијата „Toshiba“ на својата интернет страна официјално ја претстави најновата серија на телевизори – „REGZA Z8X“ кои ќе бидат достапни во три големини – 58, 65 и 84 инчи. Сите тие ќе работат во резолуција „Ultra HD“ или 3840×2160 пиксели (два пати поголема од „Full HD“ моделите кои се со 1920х1080 пиксели). Моделите работат со процесор „REGZA Engine CEVO 4K“, имаат аудио систем со четири звучници чија моќ е 40W, а исто така и „HDMI“, „LAN“ картичка и слот за „SD“ мемориски картички.
Најновите модели на „Toshiba“ ја имаат платформата „Hybridcast“, која ги обединува традиционалните телевизиски сигнали со интернет услуги кои им помагаат моделите да се користат во комбинација со мобилните уреди.
Новите телевизори ќе се појават на пазарот од јуни, а според информациите од компанијата најскапиот од нив ќе чини 16.430 долари.
