Белата куќа соопшти дека набргу ќе открие дополнителни детали во врска со воведувањето на тарифите за увоз на челик и алуминиум во САД.
„Официјално известување ќе добиете на крајот на оваа недела“, изјави портпаролот на Белата куќа, Сара Сандерс, пред новинарите.
Претходно, американскиот претседател Доналд Трамп објави дека планира да воведе 25 проценти увозна тарифа за челик и 10 проценти за алуминиум. По најавата, следуваа реакции од важни трговски партнери на САД, меѓу кои Канада и Јапонија, а ЕУ се закани со воведување царина за некои американски стоки за возврат.
