Извозот на руското оружје во минатата година по трет пат по ред достигна вредност од 15 милијарди долари, изјави претседателот на Русија, Владимир Путин.
Тој во текот на состанокот на комисијата за војно-техничка соработка во Москва изјави дека Русија е многу успешна во напорите да го задржи статусот на голем извозник на оружје, пренесе агенцијата ТАСС.
„Русија ги исполнува високите стандарди и го потврдува статусот на еден од водечките снабдувачи на светскиот пазар за оружје. Вредноста на извозот веќе трета година по ред е над 15 милијарди долари“, изјави Путин.
