Луѓето кои живеат во земјата со најмала употреба на готовина, наскоро може да го изгубат целиот свој пристап до кеш.
За да се избегне ова екстремено сценарио, шведската компанија за обработка на готовината „Loomis AB“ испрати предупредување до властите дека треба да ги натера банките и трговците на мало во земјата да продолжат да прифаќаат банкноти и монети, посочува „Bloomberg“.
Повикот доаѓа по слично предупредување од шведската централна банка „Riksbank“ која е загрижена дека драстичното исчезнување на парите во готово и ќе доведе до распаѓање на инфраструктурата потребна за обработка на кеш, поткопувајќи ги нејзините задача за стимулирање на безбеден и ефикасен платежен систем.
Според зборовите на извршниот директор на „Loomis“, Патрик Андерсон по најоддалечените населени места во северните делови на земјата се соочуваат со највисок ризик од тоа да загубат пристап до кешот. Сличена опција би бил особено загрижувачка во случај на природна катастрофа и технолошки колапс, кога жителите на земјата практично нема да имаат можност да ги набават основните потреби.
„Парите во готово се многу важни при кризна ситуација“, посочува уште Андерсон и додава дека слична ситуација со недостатокот на пари би достигнала до целото општество, не само до одделни негови делови.
Парламентарна комисија подготвува објавување на посебен извештај ова лето, кој треба да размислат за предизвиците пред намалениот обем на парите во готово. Гувернерот на „Riksbank“, Штефан Ингвес претходно во оваа недела повика на законски измени кои ќе го гарантираат владеењето на централната банка врз платежниот систем во земјата.
Според зборовите на Ингвес, Шведска е на пат кон ситуација каде „јавните средства за плаќање се контролирани од трговските компании“.
Оптекот на парите во Шведска во текот на изминатата година опадна до најниско ниво од 90-тите години и во моментов се за 40% помалку од својот максимум во 2007-ма година. Намалувањата во 2016-та година и 2017-та година беа најголемите регистрирани во историјата.
Во позадина на намалената употреба на готовина, растат и трошоците на продавниците, банките и рестораните за работа со банкноти и монети. Тоа уште повеќе се изострува проблемот, бидејќи го намалува поттикот за нивната употреба.
Според зборовите на Нина Венинг, извршен директор на компанијата „Bankomat“ – која е заедничка сопственост на најголемите шведски банки и обработува поголем дел од парите во кеш, кои поминуваат низ шведските банкомати, трошоците на банките за трансакции од банкомати „се зголемија доста драстично во последниве години“.
