ММФ го назначи Себастијан Соса, резидентен претставник на ММФ во Србија, исто така да ја врши функцијата на резидентен претставник во Македонија.
Оваа информација ја соопшти денеска во Вашингтон Џесмин Рахман, шеф на мисијата на Меѓународниот монетарен фонд (ММФ) за Македонија.
„Соса ќе остане со седиште во Белград и ќе ги покрива двете држави. Ова назначување има за цел да обезбеди континуиран дијалог и проток на информации помеѓу Фондот и властите во Скопје. Исто така, ќе ја олесни ги интензивната техничка помош и набљудувачките активности на ММФ во Македонија“, се вели во изјавата.
