Жителите на скопската населба Ѓорче Петров може да пријават проблем од снежните врнежи во општината на телефонските броеви 2044-411 и 2039-307.
Од Општината информираат дека во текот на ноќта и утрово на територијата на Ѓорче Петров фрлени се над 20 тони сол. Исчистени се улици во Волково, Орман, патот кон Никиштане, околу училиштата, а се фрлаше сол и по автобуските станици. Службите се и натаму на терен.
