Поради снежните врнежи, воведена е забрана за движење на тешки товарни возила на патните правци Маврово – Дебар, Струга – граничен премин Ќафасан, како и на планинските премини Пресека, Стража и Ѓавато, информира АМСМ.
Ноќеска е воведена забрана за товарни возила и на регионалниот пат Македонски Брод – Прилеп како и на магистралниот пат Крива Паланка – Деве Баир, поточно на излезот од градот, воведена е забрана за сообраќај на тешки моторни возила.
Забраната за сообраќај на тешки товарни возила на планинскиот премин Буково престана да важи од 08:30 часот, а на Плетвар од 07:45 часот.
