Расположението меѓу германскиот бизнис се влошува во февруари во однос на рекордно високите вредности во првиот месец од 2018-та година, бидејќи претставниците на индустрискиот сектор објавија очекувањата за наредните шест месеци, соопшти „Market Watch“, цитирајќи ги податоците на институтот „Ifo“. Бизнис климата се влошува во трговијата на мало, како и во градежништвото.
„По еуфоријата во последните месеци оценките на компаниите за перспективите на бизнисот се помалку оптимистички“, истакна претседателот на „Ifo“, Клеменс Фност.
Индексот на бизнис климата во Германија се намалува до 115,4 поени во февруари во однос на 117,6 поени во јануари, што го забележува петмесечниот минимум. Податоците се под очекувањата на аналитичарите за 117 поени.
Според претседателот на „Ifo“, покрај влошувањето на бизнис климата, најголемата економија во Европа сепак ја започна доста добро 2018-та година. БДП-то се очекува да се зголеми за 0,7% во првиот квартал на годината во однос на 0,6% во последните три месеци од минатата година. За споредба, економистите од „IHS Markit“ кои редовно прават анкети меѓу менаџерите на налозите, прогнозираа БДП-то на Германија во првиот квартал да забележи раст од 0,9%.
„Очигледно комбинацијата од посилното евро и очекувањата за зголемување на каматите создаваат сериозна загриженост меѓу главните извршни директори“, смета Томас Алтман од „QC Partners“, цитиран од агенциите.
Истражувањето на институтот „Ifo“ се прави меѓу 7.000 претставници на бизнисот, а резултатите ги потврдуваат и претходно објавените податоци на Центарот за европски економски истражувања „ZEW“, според кои очекувањата за развојот на економијата на финансиските аналитичари и институционалните инвеститори во Германија се влошуваат во февруари.
Повеќето учесници во студијата на „ZEW“ очекуваат инфлацијата во Германија и еврозоната да се забрза во наредните шест месеци.