Меѓународната агенција „Moody’s“ го зголеми кредитниот рејтинг на Грција до степен „В3“ од „Саа“, откако ја задржува позитивната перспектива за земјата.
Ова е трето зголемување на кредитниот рејтинг на Грција по дадените неодамна такви проценки од другите две агенции „Fitch“ и „Standard & Poor’s“.
Од „Moody’s“ сепак се оптимисти за разлика од другите две агенции и сметаат дека Грција ќе излезе на пазарите, без да и е потребна дополнителна кредитна линија.
Минатиот петок „Fitch“ го зголеми рејтингот на Грција за државниот долг, потпирајќи се на олеснување на долгот во текот на оваа година и на прогнозираниот економски раст. Евалуацијата беше оценета од „В-“ на „В“ со позитивен изглед.
Трите зголемени прогнози доаѓаат откако беше финализирана проверката за напредок на грчката спасувачка програма и покрај фактот дека на неодамнешната средба на Еврогрупата беа изразени резерви и беше условена Владата во Атина да ги исполни две од барањата за реформи дадени на земјата од меѓународните доверители.
