Секоја година порталот „24/7 Wall St.“ објавува листа на познати светски брендови за кои, врз основа на утврдените критериуми, проценува дека наскоро би можеле да исчезнат од пазарите.
Кои се тие брендови кои, според порталот, нема да преживеат до 2014 година, дознајте подолу. Секоја компанија која на нивната листа е опишана како „жртва“ исполнува неколку критериуми кои ја водат до исчезнување.
Брендовите кои би можеле да исчезнат до 2014 година:
„Volvo“
Шведскиот производител можеби нема да исчезне во целиот свет, но на американскиот пазар сигурно нема да постои. „Volvo“ се специјализираше за автомобилите од средната класа, кои своето место не го најдоа на американскиот пазар. За САД автомобилите на „Volvo“ се премногу мали.
„Olympus“
За пропаста на овој познат бренд се заслужни мобилните телефони со високо-квалитетни камери, кои целосно го избришаа пазарот за фотоапарати.
„Mitsubishi Motors“
Причината за нивниот крај е превисоката цена за тоа што го нудат – во просек 25.000 долари, а на листата на безбедноста „Mitsubishi“ беше на последното место.
„WNBA“
Женската национална лига „WNBA“ е основана во 1996 година и во моментов има само 12 тимови, но им недостасува популарност, гледаност и публика. Преносот од натпреварите не е популарен, па затоа и спонзорите не се заинтересирани за нив.
