„Системската економска криза: Тековни прашања и перспектива“ е темата на 9. Меѓународна конференција на Асоцијацијата на универзитети на Југоисточна Европа (АСЕКУ), што ќе се одржи денеска во организација на Економскиот факултет при Универзитетот „Св. Кирил и Методиј“ во Скопје.
Во тек на повеќе работните сесии свои трудови ќе претстават 50-ина истакнати професори од реномирани универзитети од Македонија, Австрија, Албанија, Бугарија, Грција, Полска, Романија, Србија, Турција, Украина, Холандија, Хрватска и Црна Гора.
АСЕКУ е меѓународна асоцијација во која членуваат 48 истакнати универзитети од Југоисточна Европа и од црноморскиот слив, со седиште во Солун, Грција. Економскиот факултет-Скопје е членка на АСЕКУ од ноември 1996 година.