Водечките индекси на акции во САД целосно го заборавија бранот на продажба и забележаа петта последователна сесија на раст. Покачувањата се факт, иако очекувањата дека Федералните резерви ќе ги зголемат каматните стапки не се менуваат.
„Изгледа пазарите се учат да живеат со високите камати“, пишува „CNBC“ и додава дека трговијата сепак била прилично нервозна. Сесијата започна со силен раст. Малку подоцна трендот се сврте, но трговијата се врати на зелена територија, откако податоците за инфлацијата и пазарот на труд во САД успеаја да ги смират инвеститорите дека американската економија е далеку од „прегревање“, дополнува „Market Watch“.
Индустрискиот „Dow Jones“ се зголеми за повеќе од 300 поени и се врати на 25.000 поени. Тргувањето го заврши на 25.200,37 поени, што претставува зголемување од 1,23%.
За „S&P 500“ зголемувањето е од 1,21% до 2.731,2 поени, а „Nasdaq“ се зголеми за 1,58 отсто и се затвори при ниво од 7.256,43 поени.
Од корпоративните вести кои влијаеа на трговијата со „Wall Street“ беше таа за „Cisco Systems“. Компанијата објави раст на приходите за прв пат по две години, што резултираше со зголемување на цената на акциите од 4,73% на 44,08 долари по акција.
Водечките сорти нафта се тргуваа заедно, пишува „Ројтерс“. Евтиниот долар ја поддржа трговијата со лесна сурова нафта, а американската сорта порасна за 1,2 отсто на 61,34 долари за барел. Европскиот Брент забележа мал пад од 0,03 до 64,33 долари за барел.
На валутните пазари, американскиот долар продолжува да губи вредност. Едно евро се разменува за 1,2498 долари, во споредба со 1,2452 долари за евро во средата.
Цената на златото се намали за 0,2% до 1.355,30 долари за унца, отстапка од тринеделниот максимум постигнат во средата, дополнува „Market Watch“. Ниската вредност на американскиот долар исто така беше засегната.
