Централната банка на Грција соопшти дека економијата на таа земја ќе ослаби за дополнителни 4,6 проценти во 2013 година, со раст на невработеноста на 28 проценти.
Ваквите проценки на центалната банка на Грција се значително полоши во однос на проценките кои ги дадоа грчката влада и меѓународните кредитори, кои прогнозираа пад на економијата на Грција од 4,2 проценти, пренесува агенцијата АФП.
Оваа земја од крајот на 2008 година се наоѓа во рецесија, невработеноста во февруари оваа година се зголеми на 27 проценти, а нејзината економија минатата година забележа пад од 6,4 проценти.
Конзервативната влада вети дека ќе и стави крај на рецесијата во оваа земја и дека во текот на наредните години ќе се врати на финансиските пазари, пренесува агенцијата АФП.
