17 мај, 2024
ПочетнаЕКОНОМИЈАПолицијата во Струга доби од Германија донација од 16 возила

Полицијата во Струга доби од Германија донација од 16 возила

Mакедонската полиција односно Одделот за гранични работи и миграција, денеска во Струга од Германското сојузно министерство за внатрешни работи како донација доби 16 нови возила „Дачија Дастер“.

На настанот присуствуваше и министерот за внатрешни рабори, Оливер Спасовски, кој се заблагодари за донацијата вредна околу 240.000 евра.

„Фактот дека од 1992 година до денеска реализиравме многу проекти и со сојузното министерство за внатрешни работи и со покраинските полиции покажува каква соработка имаме со оваа пријателска држава. Сакам да му се заблагодарам на заменикот амбасадор на Сојузна Република Германија за напорите кои што ги направија за македонското МВР да ја добие оваа донација од околу 240.000 евра“, рече Спасовски.

Министерот воедно потенцираше дека Германската влада сите овие години наназад за Република Македонија претставува принципиелен пријател и поддржувач, чија што помош и поддршка се од суштинско значење не само во поглед на нашето евро-атлантско интегрирање, туку и во поглед на развојот и стабилноста на македонското општество и институции.

Заменик амбасадорот на Сојузна Република Германија, Марко Акватичи, потенцира дека соработката меѓу двете држави односно двете полиции е одлична.

„Минатата година дониравме четири возила во Скопје и сега 16 во Струга. Германија и натаму ќе продолжи да ја поддржува Македонија“, рече Акватичи.

При посетата на полициската станица во Струга министерот Спасовски ја информира јавноста и за обновениот надворешен изглед на објектот на полициската станица во Струга. Имено, заменети се сите дрвени прозорци со ПВЦ прозорци и ставена е термоизолациона фасада, а во наредниот период ќе се преземат и други активности за натамошно подобрување на условите за работа на полициските службеници.

НАЈНОВИ ВЕСТИ

ХОРОСКОП