Акционерите на француската телекомуникациска компанија „France Telecom“ ја одобрија промената на името на групацијата во “Orange“, за да се истакне новиот модел на работење.
На овој начин, акционерите сакаат да го подобрат и визуелниот идентитет на меѓународниот пазар.
Според францускиот весник Капитал, менаџментот на компанијата, во која 13,5 проценти од капиталот е во сопственост на државата, повеќе години го подготвува пазарот за промена на името, така што официјалната понуда на групацијата, во продавниците и на сајтот веќе се одвива под новото име.
Промената на името официјално ќе биде усвоена на 1 јули оваа година.
