Повеќе од 21,5 милиони нови компании се регистрирани во Кина откако владата во 2014-та година објави нова политика за поддршка и создавање поволни услови за развој на претприемништвото и иновациите, објави новинската агенција „Ксинхуа“.
Државата постепено ги намалува даноците и ги отстранува бирократските бариери за бизнисите преку намалување на износот на различни даноци и такси. Како што забележува агенцијата, големиот и брз развој на претприемништвото и иновациите поттикна раст на економијата, а исто така помогна да се отворат нови работни места и да се зголемат приходите на луѓето.
Од 2014-та година, создадени се над 4.200 нови високотехнолошки претпријатија.
Еден од најдинамично развиените сектори на економијата е трговијата, со зголемување на учеството на „е-трговијата“.
