Кинеската компанија за електронска трговија „Alibaba“ најави дека благодарение на неколкугодишниот договорот потпишан меѓу „Alibaba Digital Media and Entertainment Group“ и делот на „Walt Disney“ – „Buena Vista International“, во платформите на „Alibaba“ ќе бидат вклучени над 1000 епизоди на „Disney“, кои вклучуваат едни од нејзините најдобри продукции, објави „Ројтерс“.
Договорот се случува во време кога „Disney“ се соочува со предизвици во обезбедувањето дигитална телевизиска содржина во Кина. Во 2016-та година, нејзиното заедничко вложување со „Alibaba“ – „DisneyLife“, престана да работи поради кинеските регулатори. Ова се случи пет месеци по почетокот на неговото работење. Причината за затворање на услугата не беше јавно објавена.
„Додавањето на содржината на „Disney“ значително ја збогатува библиотеката од квалитетна меѓународна содржина во медиумскиот и забавниот екосистем на „Alibaba“, така што не доведува во предност во дистрибуцијата на странска содржина во Кина“, коментира Јан Вејдон, претседател на „Youku“ во „Alibaba Digital Media and Entertainment Group“.
„Alibaba“ не ја открива вредноста на договорот.
„Youku“ достигнува до 580 милиони уреди и се радува на околу 1,2 милијарди гледачи секој ден според новинарскиот сајт на „Alibaba Alizila“. Таа тврди дека платформата веќе има слични лиценцни договори со „Warner Bros.“, „Paramount, Fox“, „NBCUniversal“ и „Sony Pictures Television“.
