Во рамки на многубројните активности за промоција и поддршка на користењето на велосипедот како алтернативно превозно средство, Градот Скопје дава поддршка и се приклучува на иницијативата на неформалното здружение „На тточак“ и ги повикува сите да се вклучат во одбележувањето на интернационалниот ден „Во зима со велосипед на работа“ (Winter Bike to Work Day).
Станува збор за глобална иницијатива чија цел е подигнување на свеста за важноста и придобивките од користењето велосипед како превозно средство до работа и до училиште во текот на целата календарска година.
„Во зима со велосипед на работа“ e интернационален ден на којшто луѓето го одбележуваат движењето со велосипед на работа и на училиште во зима, притоа кревајќи ја свеста за ова превозно средство во ладните месеци, водејќи се од наративот: Не постои лошо време, постои само лоша опрема.
