Градоначалникот на Прилеп, Илија Јованоски, денеска беше домаќин на средбата на градоначалниците од Пелагонискиот Плански Регион (Прилеп, Долнени, Кривогаштани, Крушево, Битола, Могила, Новаци, Демир Хисар и Ресен) со потенцијален германски инвеститор.
Германскиот инвеститор „Аетна“ покажа интерес за вложување во земјоделството, поточно за откуп на земјоделски производи и нивна преработка. Обврска на општините од овој плански регион е да презентираат детаљно слика за количествата квалитетно овошје и зеленчук што може да биде произведено на овој простор.
А според најавите, во бизнис-планот на инвеститорот е во Прилеп да отвори преработувачки капацитет, да врши откуп на овие земјоделски производи, кои потоа би биле пласирани на рускиот пазар, информираат од Општина Прилеп.
