Амбасадата на Република Словачка информира дека е отворен повик за аплицирање за стипендија во рамките на Националната програма за стипендија на Република Словачка”, во текот на учебната 2018/2019 година.
Крајниот рок за аплицирање е до 30 април, до 16 часот, (4:00- средноевропско време). Апликациите се поднесуваат онлајн на веб-страницата www.scholarships.sk.
Националната програма за стипендии на Република Словачка ја поддржува мобилноста на меѓународните студенти, докторанти, универзитетски професори, истражувачи и уметници да престојуваат на словачки универзитети и словачки истражувачки организации. Студентите и докторантите можат да аплицираат и за трошоците за патување.
