Трговскиот дефицит на САД во изминатата година достигна највисоко ниво во последните девет години.
Трговскиот дефицит на САД порасна на 566 милијарди долари во изминатата година, што е највисокото ниво од 2008 година кога достигна 708,7 милијарди долари, покажуваат податоците на американското Министерство за трговија, пренесува агенцијата АП.
Увозот порасна на рекордни 2,900 милијарди долари, а извозот на 2,300 милијарди долари.
Дефицитот на САД во трговијата со Кина достигна рекордни 375,2 милијарди долари, а со Мексико порасна на 71,1 милијарда долари.
Само во декември, дефицитот на САД во трговијата со остатокот од светот пораснал на 53,1 милијарди долари од 50,4 милијарди долари од ноември, што е највисокото ниво од октомври 2008 година.
