Владата на вчерашната седница ја прифати предлог-одлуката за формирање совет за управување со јавни финансии по предлог на Министерството за финансии.
„Владата го прифати предлогот имајќи предвид дека овој совет е клучно тело од структурата за управување, координација, следење и известување за спроведувањето на програмата за реформа на управувањето со јавни финансии“, соопшти владината прес-служба.
